1. ATLAS
  2. > Programme
  3. > Muinntireas Tobar An Dualchais
  4. > Muinntireas Tasglann Tobar An Dualchais

Muinntireas Tasglann Tobar An Dualchais

Beul-aithris Beul-aithris Tasglannan Cumhachd nan Tasglann
ha Nàdar Fhèin aig Gach Nì a Dhealbhadh, animation still, Catherine Weir, 2020

Thòisich an neach-ealain taisbeanail Catherine Weir a muinntireas didseatach le Tobar an Dualchais agus ATLAS san Iuchar 2020, ag obair le Stiùiriche ATLAS Ainslie air cùrsa trì-latha aig Sabhal Mòr Ostaig gus ionnsachadh mun chruinneachadh aig Tobar an Dualchais. An lùib a’ chùrsa bha òraidean agus bùthan-obrach leis an sgoilear beul-aithris agus daon-eòlaiche Mairi NicPhaidein, an tè-eadar-theangachaidh Gàidhlig agus cairt-iùlaiche Raghnaid Sandilands agus Àrd-òraidiche Sabhal Mòr Ostaig Dòmhnall Uilleam Stiùbhart.

Tha Catherine na neach-ealain taisbeanail agus neach-ciùil ann an Fallope & The Tubes: còmhlan punc feimineach. ​‘S iad Fallope & The Tubes oidhirp ann an taic chèile agus fèin-mhìneachadh gun bhacadh: rud a lìonas Catherine le lùths gu bhith an sàs ann an cleachdaidhean nas sàmhaich mar dealbhan, sgrìobhadh agus, bho chionn ghoirid, beò-dhealbhadh. Tha na dealbhan agus na dealbhan-beò aice lèirsinneach, dorch ach èibhinn, agus ​‘s e a tha air cùlaibh cha mhòr a h‑uile càil beachdan làidir feimineach is àrainneachd, ga beò-ghlacadh le aithris pearsanta fa leth.


Boireannach ann an riochd eon a’ toirt ionnsaigh air boireannach ann an riochd eon (Woman in the form of a bird attacks a woman in the form of a bird)
Nighean Mì-Fhortanach (Unfortunate Girl)
Tamhasg (ghost)


‘S e Tobar an Dualchais an cruinneachadh air-loidhne as motha ann an Alba de chlàraidhean fuaim, le suas ri 50,000 clàr de dh’òrain, ceòl, eachdraidh, bàrdachd, beul-aithris agus sgeulachdan a chruinnichear air feadh na h‑Alba a’ tòiseachadh sna 1930an.

Bidh Catherine a’ sgaoileadh naidheachdan air Instagram Tobar an Dualchais ​‘s a’ mhìos a tha romhainn, ag amas air foillseachadh phoblach an rannsachaidh aice san t‑Sultain.

Tha am muinntireas seo mar phàirt de phrògram ATLAS Arts Plural Futures.

Pàipear Beag an Eilein Sgitheanaich – ​‘Beautiful affinity between women and the landscape’

Ògmhios 2020 — leantainneach

Muinntireas bliadhnail le taic bho bhuidseit chosgaisean is riochdachaidh, a' cuir fiachadh do luchd-ealain ùine de sgrùdadh poblach a chaitheamh aig tasglann didseatach Tobar an Dualchais. Fosgailte do luchd-ealain dealbh agus fuaim le ùidh ann an beul-aithris, tasglannan agus fuaim, tha an dreuchd seo ag amas air conaltradh brìoghmhor a bhrosnachadh le cultar is dualchas na Gàidhlig, agus freagairtean breithneachail agus mac-meanmnach a thogail do iom-fhillteachd eachdraidh na h-Alba agus fèin-aithne cultarach.

Barrachd