The Making Publics Press

S e Making Publics Press stiùidio dèanamh leabhraichean, anns a bheil a h‑uile uidheamachd a dh’fheumar tu gus na leabhraichean agus na foillseachaidhean agad fhèin a dhealbhadh, a chlò-bhualadh, a cheangal agus a thàthadh. Ma tha beachd foillseachaidh agad agus gu bheil thu airson an leabhar agad fhèin fheuchainn agus fèin-fhoillseachadh, chan eil agad ach dìreach àite leasan uidheamachd an-asgaidh a chlàradh. Bheir seo timcheall air uair a thìde, agus faodaidh tu an t‑àite a ghlèidheadh uair sam bith 10m-6f tron t‑seachdain gus do chuid leabhraichean fhèin a dhèanamh.

Is e prìomh adhbhar an àite taic a thoirt do bhith a’ dèanamh foillseachaidhean beaga de phròiseactan leabhraichean cruthachail, gu sgiobalta agus gu saor – a’ cuir leabhraichean a‑mach don t‑saoghal agus air feadh an Eilein Sgitheanaich, Ratharsair agus Loch Aillse. S e àite airson còmhradh agus togail coimhearsnachd. Tha foillseachadh a’ ciallachadh dhuinne a bhith a’ dèanamh coimhearsnachdan ùra agus seòrsachan ùra de dh’àiteachan sòisealta.

Tha sinn an dòchas gum faic sinn an seo thu a dh’aithghearr!

Tha an uidheamachd a leanas aig Making Publics Press

  • Uidheam ceangal Digibind FPB33 - seo inneal ceangail glaodh (chan eil seòrsa eile uidheamachd ceangail againn an-dràsta)
  • Uidheam gearraidh pàipeir Ideal 4700
  • Uidheam pasgaidh (gus còmhdaich a phasgadh)

  • Xerox WorkCentre 7830 Leth-bhreacadair / Scanair / Clò-bhualadair

  • Cruinneachadh mòr de phàipear geal is dath-uachdar-bainne - còmhdaichte agus gun chòmhdach ann an diofar chuideaman (a thugadh seachad gu coibhneil le Strath Print)

Cosgaisean

Bidh an t-àite ag obair air stèidh pàighidh nas urrainn dhut - le tabhartasan a' pàigheadh son càradh bliadhnail nan innealan, cosgaisean clò-bhualaidh, agus ruigsinneachd an-asgaidh don àite do dhaoine gun tuarastal.

Tha an t-àite fosgailte do dhuine sam bith agus tha e ag obair air stèidh neo-phrothaideach. Tha sinn ag iarraidh air daoine nas urrainn dhaibh a phàigheadh gus ar cuideachadh le cosgaisean clò-bhualaidh (a tha a' cosg 0.35sg gach taobh D&G dhuinn, agus 3.5sg airson gach taobh dathte). Mar tuairmse, chosgadh leabhar clò-bhuailte A5 le 50 duilleag agus dà-thaobh le còmhdach dath timcheall air £4 dha ATLAS.

Mas ghabhas, faodar cuideachd leth-bhreac den leabhar agad fhàgail do leabharlann ATLAS.

Inntrigeadh

Cuir post-d gu admin@atlasarts.org.uk gus leasan uidheamachd an-asgaidh a ghlèidheadh. Bheir iad sin timcheall air uair a thìde. Às dèidh seo, faodaidh tu an uidheamachd a chleachdadh thu fhèin le bhith a ’cur post-d gus uair a ghlèidheadh ro làimh.

Na bheir thu don leasan

A bharrachd air còmhdach aghaidh, cha leigear a leas dad sam bith eile a thoirt don leasan ach tha e cuideachail ma tha seòrsa de beachd agad mu thràth airson do phròiseact leabhair - cuidichidh sin ceistean a freagairt agus fiùs rudan feuchainn aig an leasan. Faodar ìomhaighean no teacsa sam bith a thoirt leat a bu mhath leat a chlò-bhualadh mar dheuchainn.

Aig an leasan ionnsaichidh tu ciamar a chleachdar gach pìos uidheamachd leat fhèin, agus nuair a bhios an dreach agad deiseil faod thu thighinn a-steach don àite gus an leabhar a chlò-bhualadh, a phasgadh, a ghearradh agus a cheangal.

Mar a chuirear àite air leth

Aon uair ‘s gu bheil leasan air a bhith agad faodar an t-àite a chleachdadh eadar 10m-6f, Diluain-Dihaoine gus do chuid leabhraichean fhèin a dhèanamh. Às dèidh seo, faodaidh tu an uidheamachd a chleachdadh thu fhèin le bhith a ’cur post-d gus uair a ghlèidheadh ro làimh. Feuch an toir thu fios co-dhiù 10 latha roimhe ma thathas airson an àite a chleachdadh - is e sgioba beag a th ’annainn agus is dòcha gun toir e beagan làithean thighinn air ais thugad.

Bu chòir an leabhar agad a bhith deiseil airson a chlò-bhualadh mus tig thu don àite.

Gus an àite a chumail sàbhailte rè COVID-19 tha sinn a’ ruith leasanan do dà bhuidheann dachaigh fa leth aig a’ char as àirde (buinidh lasachaidhean do dh'obair òigridh).


View our Making Publics Press Resources ↗