Cha chluinn sinn ach le fuaimean; cluinnidh sinn tro fhuaimean. Tha fuaim mar chiùbhran; òran glòmach leantainneach anns am bi sinn nar pàirt ach nar dealachadh dheth. Tha tòrr dhòighean ann a dh’èisteachd ri fuaimean, agus bidh gach tè a’ fosgladh dhòighean eadar-dhealaichte ri cluinntinn an t‑saoghail, oir ‘s e èisteachd is freagairt a th’ ann an èisteachd. Tha an èisteachd co-mhairsinneach, mar chrotal.
Bidh an sgrìobhadair-ciùil Richy Carey a’ treòrachadh sreath de chuairtean èistidh is seinn. Gabhaibh pàirt tro shreath de sgòran stiùiridh a chur an gnìomh – sgrìobhaidhean leth-òcaideach goirid air an èisteachd, as urrainn do dhuine sam bith dèanamh. Bidh sinn a’ tomhas an t‑saoghail mun cuairt oirnn le ar guthan, agus ag èisteachd ris a’ mhac-talla a thilleas thugainn. Coisichidh sinn suas sa Choille Ìosal, cuairt thulganach ghoirid ann an coille. Tòisichidh sinn aig Talla a’ Bhràighe agus crìochnaichaidh sinn aig mullach a’ chnuic, far am bi sealladh a‑mach air Beinn Tìonabhaig agus an Linne Ratharsair.
Bidh àrc nan eacarsaichean seinn is èisteachd a’ toirt mhac-talla às na cruthan-tìre anns am bi sinn a’ coiseachd. Bidh sinne a’ stad air an t‑slighe ri pìosan de dh’ealain a chur an gnìomh a chaidh cruthchadh aig sgrìobhadairean-ciùil a chleachdas sgòran airson daoine a tharraing còmhla agus aire a thoirt air a chèile, agus air an t‑saoghal mun cuairt orra, tro fhuaim.
‘S e sgrìobhaiche-ciùil a th’ ann an Richy Carey agus bidh e a’ fuireach san Eilean Sgitheanach. Bidh e ag obair còmhla ri luchd-ealain agus ri coimhearsnachdan gus an cruthaich iad fuaim-luirg agus fuaimean-tìre – a’ dèanamh fhuaimean ri chèile a nì rannsachadh air eag-eòlasan ùghdarrais, dèanadachd, agus co-fhaireachdainn, tro èisteachd agus fhuaimneachadh còmhla. ‘S e neach-ealain air mhuinntireas UNESCO City of Music 2018 a bh’ ann. Fhuair e duais Tàlant Ùr BAFTA, agus tha e a’ cur crìoch air PhD air fuaim fhiolmaichean aig Oilthigh Ghlaschu.
An-asgaidh, àitichean cuibhrichte, gach aois, feumar àite a ghlèidheadh